الخواجة الامريكانى
الخواجة الامريكانى والسماسرة اللى وراه
تخنوا بالكدب ودنه وعرضوا له مقاس قفاه
فهموه من غير مايفهم ان سوق الشرق مغنم
والخواجة بطبعه مغشم والمصارى معفرتاه
حب يعمل فيها تاجر وانطلق يسلب وينهب
فى الزباين بالنهار يحدف الدلار يلمه
تلتميت مليون دولار
بالقزايز والبنات والمبونات بالمدافع والدانات او بافلام الرعاة
قول بقى تاجر وفاجر وانقلب لص المواشى
رعب ماشى فى البلاد يشفط البترول ويطرش كل الوان الفساد